Cemiyet Muracaatı

Все новости
22 aralık 2012 yıl 16:42

Dekabrnıñ 22de Kiyevdeki Qırım Cemiyeti Umum Cemiyet toplaşuvı keçirdi.  Toplaşuvda Kiyivde oquğan, çalışqan, daima yaşağan ya da muaqqaq bulunğan insanlar bulundı.

Toplaşuv devamında Cemiyet  İdaresi yapılğan iş aqqında esabat berdi. Qayd etmek kerek ki, semetdeşlerimiz soñki vaqıtları keçirgen işler ve teşebbüslerge qol tuttılar.

           

Ondan da ğayrı kelecekte yapılacaq işler niyetlerini  bildirdiler. Yapılacaq işleriniñ arasında: Qırım medeniy merkezi, Call Centre 24/7, Kıyiv şeerniñ medeniy ve içtimaiy ömürde iştirak etmesi.  Ondan da ğayrı Cemiyetniñ  areketini nevbetteki saalarda  keñleştirmege teklif etildi: tasil, sport, qadınlar  ve balalar, hayriye ve medeniyettir.

Cemiyet Toplaşuvunda teklif etilgen ve baqılğan teşebbüsler  ustünde çalışıp ve kelecek Toplaşuvğa tasdiqlamaq içün taqdim etilecek.  Kiyevde olğan semetdeşlerimizniñ teklifleri olsa – olarnıñ bildirmege ve faal iştirak etmege davet etildi.

Qayd etmek kerek ki, Cemiyet temsilcileri teşebbüsü ile Kiyevde Regional Meclisi açmağa teklif etildi. Teşebbüske Toplaşuv iştirakçileri qol tuttılar. Neticede Kiyevdeki Qırım Cemiyeti Reisi Aslan Umerov Milliy Meclis Reisine Muracaat ile bu qarar içün  vatandaşlarımızdan toplanğan imzalar ile yollaycaq.

   

Nevbetteki Umum Cemiyet Toplaşuvı  Fevralnıñ 23ne 2013 senesine planlaştırıldı.  Sualleriñiz ya da teklifleriñiz olsa – Cemiyet koordinatorığa muracaat ete bilesiñiz:

Alim Veliullayev: 063 353 10 88

Alim.veliulayev@gmail.com

Foto