Kiyevde qırımtatarlar Cemiyeti İdaresiniñ saylavları olıp keçti

Все новости
23 şubat 2013 yıl 16:45

   2013 senesi fevral 23-de Kiyevde qırımtatarlar Cemiyetiniñ Umumiy Toplaşuvı ötkerildi. Tedbir devamında Toplaşuv iştirakçileri birinciden belli qırımtatar cemaat erbabı Noman Çelebicihannıñ hatırasını añdılar. Malüm ki, aynı bu künü, 1918 senesi fevralniñ 23-de, Qırım müftisi Qırımda bolşevikler terrorınıñ qurbanı oldı.

   Toplaşuvda musafirler olaraq qırımtatar halqı Meclisiniñ azaları Zair Smedlâyev, Ali Hamzin ve Zaur Smirnov iştirak ettiler.

   Merkeziy saylav komissiyasınıñ reisi Zair Smedlâyev çıqışta bulunır eken, Kiyevde regional meclis ve qırımtatar halqı Qurultayı saylavlarınıñ ketişatı aqqında söz yürsetti.

   Qırımtatar halqı Meclisi tışqı işler bölüginiñ reisi Ali Hamzin Kiyevde faal iş ğayet emiyetli olğanını qayd etti, ve semereli işler tiledi.

   Bundan da ğayrı, Cemiyet İdaresi birliginiñ strukturası ve ileri inkişaf yollarını taqdim etti.

 

   Saylavlar neticeleri:

   Cemiyet İdaresiniñ Reisi: Aslan Omer Qırımlı

   Cemiyet İdaresi:

  • Bekir Ganiyev
  • Femi Mustafayev
  • Refat Sariyev
  • Talât Bilâlov

   Cemiyetniñ teftiş komissiyası:

  • Abduraman Egiz
  • Rustem Aliyev
  • Elvina Şeyhislâmova

Cemiyetniñ matbuat merkezi

Foto