Meclis Reisiniñ birinci muavini Refat Çubarovnıñ, noyabr 30-dan dekabr 1-ne keçer gecesi yapılğan, ücümlar aqqında beyanatı

Все новости
04 aralık 2012 yıl 18:36

 

     2012 senesi dekabrniñ 4-de qırımtatar halqı Meclisi Reisiniñ birinci muavini, Qırım Muhtar Cumhuriyetiniñ Yuqarı Şurasındaki "Qurultay-Ruh" fraktsiyasınıñ reberi Refat Çubarov "Bir gecede eki provokatsiya... Kim ve nasıl maqsatnen Qırımda dava çıqaracaq ola?"  mevzusında matbuat-konferentsiyanı keçirdi. 

     "Biz bugün topraq davasını çezmeymiz ve er tarafınıñ noqtaiy-nazarını aytmaymız. Biz cemaat ve siyasiy teşkilâtlarnıñ celp etilüvi ile mahkeme qararlarnıñ yerine ketirüv şekli ve usulları aqqında fikir yürsetemiz", - Aqmescit rayonınıñ Molodöjnoye qasabasınıñ yanındaki "narazılıq tarlaları"nda noyabr 30-dan dekabr 1-ne keçer gecesi muvaqqat evçiklerniñ yıqtırıluvını tefsir etip, qayd etti qırımtatar halqı Meclisi Reisiniñ birinci muavini Refat Çubarov.

     "Tasavur etiñiz, başqa bir de-bir teşkilât, "Adalet" adını alıp, gece saat 2-de elinde mahkeme qararınen "adaletni tiklemege" ketse, neler ola bile, - bildirdi Refat Çubarov. Bugünki künde "nasıldır bir insanlar gruppası" özüni Ukraina devleti mahkemeleriniñ qararlarını amelge keçirmege aqqı bar, dep saysa, Qırımnıñ er bir sakini böyle adise-vaqialarnıñ ketişatı nege alıp kelecegini tüşünmeli".

   Matbuat merkezi

Foto