Cemiyetniñ umumiy toplaşuvı

Все новости
18 ocak 2013 yıl 18:00

 

  Kiyevde Qırımtatarlarnıñ Cemiyeti vatandaşlarnı cumaertesi künü, 2013 senesi fevralniñ 23-de, umumiy toplaşuvğa davet ete. Tedbir saat 11-de, Radisson Blu Hotel musafirhanesinde, Kiyev şeeri, Yaroslavov Val soqağı, 22, “Zolotıye vorota” metro stantsiyası adresi boyunca keçirilicek.

  Toplaşuv devamında aşağıdaki mevzu ve meseleler muzakere etilecek:

  • belli qırımtatar cemaat erbabı Noman Çelebicihannıñ hatırasını añuv tedbiri;
  • Cemiyetniñ ileri inkişafınen bağlı leyhalarnıñ tasdiqlaması;
  • Cemiyet İdaresiniñ nevbetteki saylavlar ötkerilüvi.

  Tedbirde Kiyevde oquğan, çalışqan, daimiy sürette yaşağan ve vaqtınca  bulunğan vatandaşlarnıñ iştiragi ğayet müimdir. Er biriñiz iştirak etmeli, çünki bizim birleşmeniñ ilerilemesi ve semereli çalışmasına tesir etken meseleler al etilecek.

  Tedbirde iştirak etmek istegiñiz olsa, Cemiyetniñ Koordinatorı Alim Veliulayev ile bağlanmağa rica etemiz

(Alim.Veliulaev@gmail.com, +3 8 063 353 10 88, +3 8 095 513 72 35).

 

Cemiyetniñ matbuat merkezi

Foto