Kiyevde Elmira Şemsedinovanıñ resimler sergisi

Все новости
09 şubat 2014 yıl 16:49
 
Fevralniñ 13-de saat 18:00 Kiyevdeki Melnikov soq. 6 adresi boyunca "Art-Miks" galereyasında Elmira Şemsedinovanıñ şahsiy resimler sergisi açılacaq. Sergide bir qaç yıl işleri, yağlı boya resimleri — natürmort ve manzaralar — taqdim etilecek. Elmira — tabiatta resim yapuv tedbirleriniñ faal iştirakçisi, onıñ işleri Ukrainanıñ çeşit-türlü köşelerini taqdim ete: Kiyev, Qırım, İvano-Frankovsk, Karpatı, Poltavşçina, Kaçanovka. Sergi bir ay devamında çalışacaq. Aves olğan, dost ve tanışlar davetli. 
 
 
Malümat: Şemsedinova Elmira Gafarovna — ressam-divar ressamı — 1989 senesi fevralniñ 14-de Kiyevde dünyağa keldi. O, meşur Ukraina mimarı Şemsedinov İrfan Gafaroviçniñ qorantasında doğdı. 
 
T.G.Şevçenko adına Devlet orta sanat mektebinde oqudı. Soñra Kiyevdeki Tasviriy sanat ve mimarcılıq Milliy Akademiyasınıñ ressamlıq şübesindeki professor M.A.Storojenko tabiat ressamlıq ustahanesinde tasil aldı. Al-azırda TSMMAda aliy tasil alıp, ihtisas derecesini arttıra. Kiyevde yaşay ve oquy. 2013 senesinden başlap Ukraina ressamları Milliy Birliginiñ azası ola. Şahsiy sergilerni keçirgen edi, bir çoq bütünukrain sergileriniñ tantanalı açılış tedbirlerinde iştirak etti. 
 
 
"Kiyev Qırımtatar Cemiyeti" matbuat hızmetleri

Foto