Kiyevde uşu-sanda boyunca Ukraina çempionatı olıp keçti

Все новости
04 nisan 2013 yıl 22:28

  Martnıñ 22-den 24-ne qadar Kiyev şeerinde uşu-sanda boyunca Ukraina çempionatı otkerildi. İşbu yarışta "Asker" uruş sanatı Bağçasaray klubınıñ temsilcisi Mamutov Seyt-Celil iştirak etti. O, 3 uruşta ğalebe qazanıp, Ukraina çempionı unvanına nail oldı!

  Çempionat çerçivesinde ilk uruşta Seyt-Celil Harkovden kelgen tecribeli sportçını tehnikiy nokautnen yeñdi. Soñra Seyt-Celil yüksek baalar alıp, Kiyev sportçını eminliknen artta qaldırdı. Finalda ise Harkovden kelgen diger sportçı ile korüşip, onı birinci raundnıñ 30-ıncı saniyesinde nokautqa yiberdi!

  Seyt-Celilni ğalebe ve uşu-sanda boyunca Ukraina sport Ustası unvanı ile hayırlaymız.

 

Cemiyetniñ matbuat merkezi

Foto