Ankarada yaşlıq Qurultayı keçirildi

Все новости
07 kasım 2012 yıl 22:33

 

     Ankarada qırımtatar gençleriniñ yedinci qurultayı keçti- "Qırımtatar yaşlıq qurultayı". Tedbirde, dünyanıñ çeşit köşelerinde yaşağan, yüzden ziyade qırımtatarı iştirak etti. Qırım eyyetiniñ erkânına cemaat yaşlar teşkilâtlarınıñ yigirmiden ziyade temsilcisi ve jurnalistler kirdiler. Yaşlıq Qurultayını Qırımtatar milliy meclisiniñ reisi Mustafa CEMİLEV de ziyaret etti.

     Tedbir çerçivesinde altı komissiyanıñ işi keçti, çeşit problemler muzakere etildi ve olarnıñ al etme yolları belgilene ediler. Muzakere etilgen mevzularnıñ arasında yaşlar içün yaz ve qış lagerleri; Qırım, Romaniya ve Turkiye qırımtatarlarğa bağışlanğan, saytnıñ açıluvı; milliy merasimlerniñ beraberlikte keçirüv imkânları; qırımtatar tili ögretüviniñ ameliy yolları bar edi. Bunıñnen beraber, qırımtatarlarnıñ urf-adetleri ve ananeleriniñ ğayrıdan tiklevi ve saqlap qalması, em de cemaat teşkilâtları faaliyetiniñ esasları muzakere etildi.

     Nevbetteki yaşlıq qurultayı 2014 senesine belgilendi. Teşkiliy komitetniñ yolbaşçısı Kürtiy ŞAHİN planlaştırılğan bütün tedbirlerni qalğan vaqıt devamında yerine ketirmege ümüt etkenini bildirdi.

 

Meclis matbuat merkezi

Foto