Kiyevde "Qirim.Vesna.Navrez" sergi açılışı

Все новости
13 mart 2013 yıl 12:28

  "Qırım üslübi" leyhası iştirakçileriniñ sergisi Navrez eski baar bayramına bağışlanğan.

  “Çatır Dağ” icadiy birleşmesiniñ azaları Kiyev şeeri, Bogdan ve Varvara Hanenko adına Sanat Müzeyniñ eski dostlarıdır. Üç yıl evelsi bu binada leyhamıznıñ evelki sergisi olıp keçken edi.

  Kiyev şeeriniñ sakinleri ve musafirlerine Qırımnıñ 35 ustasınıñ yañı işleri taqdim etilecek. Olarnıñ sırasında seyircilerge çoqtan belli olğan adlar, em de yañı adlar ğayet çoqtır.

  Ekspozitsiyada çeşit malzemelerden ve çeşit-türlü tehnik usullarnı qullanıp yapılğan mallar numayış etile. Seyirciler nağışnıñ üç çeşiti, kilim ustalığı, keramikanıñ bir qaç çeşiti, quyumcı ve demircilerniñ madenden yapılgan malları, ağaç ve qabaqtan mallar, çini ve cam üstünde resimler, milliy urba ve qoqlalar, kiyizden yapılğan eserlernen ve başqa şeylernen tanış ola bilecekler.

  Leyhanıñ esas maqsadı ananelerni saqlap qalmaq ve qırımtatarlarnıñ halq sanatınıñ esası olğan müsbet ğayretni bergen zemaneviy eserlerni yaratmaqtır.

  Leyha "Kiyev şeerinde qırımtatarlar Cemiyeti" Cemaat Teşkilâtınıñ maddiy yardımı ile ömürge keçirile.

  Leyhanıñ müellifi ve reberi Mamut Çurlu.

  Sergi 2013 senesi martnıñ 20-de saat 17-de açılacaq.

 

 

Cemiyetniñ matbuat merkezi

Foto