Ukraina 1921-1923, 1932-1933 ve 1946 — 1947 seneleri açlıq qurbanlarınıñ hatıra Kününi qayd ete

Все новости
24 kasım 2012 yıl 17:15

 

     ХХ asırnıñ otuzıncı yılları Ukraina, sovet akimiyeti tarafından mahsus teşkil etilgen, kütleviy açlıqnı başından keçirdi. Bu cinayet ukrain halqı tarihınıñ ketişatını edebiyen deñiştirdi.

     Biz, 1921-1923, 1932-1933 ve 1946-1947 seneleri açlıqtan ölgen, millionlarnen vatandaşlarnı añamız.

     Açlıq — bizim qırımtatar halqı tarihınıñ deşetli saifelerinden biri, ukrain halqı da aynı böyle faciağa oğradı. Millionlarnen insanlar elâk oldılar. Bugünki künde de Ukrainada müthiş açlıq aqqında hatırlav — bir yara, acı, unutılmaz bir cinayettir.

     Facialı vaqialar millionlarnen adamlarnı öldürdi, lâkin yıllar devamında insanlarnıñ kütleviy sürette açlıq vastasınen öldirüvi sovet akimiyeti tarafından mahsus aydınlatılmadı.

     Ukrain halqı bu deşetni başından keçirdi. Başından keçirdi ve saqlap qaldı, devlet mustaqillikni aldı ve özüni dünya toplulıqta eminliknen tasdiqlay.

     Bu matem künü ukrain halqını birleştirmeli — akimiyet, cemaat-siyasiy küçleri, bütün grajdanlarnı açlıq aqibetinde elâk olğanlarnıñ hatırası etrafında.

Qırımlılar Cemiyeti taziyeler bildire ve ukrain halqı ile beraber qaar-qasevetke dala.

Bu deşetli vaqia aqqında hatıra yüreklerimizde ebediyen qalacaqtır.

Matbuat merkezi

 

Foto