Turkiyede qırımtatarlarnıñ lideri aqqında vesiqalı film taqdim etildi

Все новости
30 mart 2013 yıl 13:08

  Turkiyede Mustafa Cemilev aqqında "Bir halqnıñ kureşi" vesiqalı filmniñ taqdim merasimi olıp keçti. Film memleketniñ devlet televideniyesi - TRT kanalı tarafından çıqarıldı. Ankarada otkerilgen tantanalı kontsertte Turkiye ukümetiniñ vekilleri, em de Ukraina ve Qırım diplomatları bulundılar.

  Vesiqalı film Meclis Yolbaşçısı Mustafa Cemilevniñ şahsiy ikâyesi esasında qırımtatar halqınıñ faciası aqqında tarif ete.

  Vesiqalı filmden ğayrı, Turkiyeniñ devlet kanalı aynı malümatlar esasında teleserial çıqarmağa planlaştıra. Film müellifleri Neşe ve Zafer Karatay ise bediy film çıqarmağa isteyler ve eñ yaqın zamanda azırlıq kormege niyetleneler.

  Tedbirde "Kiyevdeki qırımtatarlar Cemiyetiniñ" İdare Yolbaşçısı Aslan Omer Qırımlı da iştirak etti.

 

Cemiyetniñ matbuat merkezi

Foto