Aqmescitte Yevromaydan olıp keçti

Все новости
24 kasım 2013 yıl 01:10
Noyabrniñ 24-de Aqmescitte Ukraina ve Avropa birligi arasında assotsiatsiya añlaşmasına qol tutuv mitingi ötkerildi. Tedbir iştirakçileri arasında - Qırımtatar Milliy Meclisiniñ vekilleri, Qurultay delegatları ve qırımtatar cemaat teşkilâtlarınıñ temsilcileridir. 
 
Aynı bu künü şeerniñ merkezinde, Qırım Nazirler Şurası yanında, AB ile assotsiatsiya añlaşmasına qarşı aktsiya başlandı. Şu sebepten Avropa integratsiyasına qol tutqan cemaatçılıq vekilleri şeerniñ merkeziy soqaqlarını dolaşıp, Qırım Muhtar Cumhuriyetinde Prezident Temsilciligi yanında miting keçirdiler. 
 
İstegi olğan er bir insannıñ çıqışta bulunmağa imkânı oldı - cemaat ve siyasiy erbapları assotsiatsiya aqqında Añlaşma imzalanuvına çağırdılar. 
 
"Ukrainanıñ tışqı siyaseti mesülietli olmalı. Aynı böyle bir şekilde memleketimizni halqara seviyede körmege isteyler. Ukraina grajdanları olaraq bizler dünyada tanılmamıznı qazanmağa tırışamız. Onıñ içün bugün bizler mında toplaştıq", - dep qayd etti Meclis azası, "Bizim Qırım" HCT Reisi Abduraman Egiz. 
 
"Bizler devletimizniñ strategik qararını qorçalaymız. Kelecegimiz belli, elbet de, lâkin bu Ukraina vatandaşlarınıñ qararıdır. Üç kün evelsi akimiyet de aynı fikirde edi", - dep ayttı Meclis vekili A. Egiz.
 
Miting devamında er kün aqşam saat 19.00 Aqmescitniñ merkeziy meydanında toplaşmağa ve Avropa integratsiyasına qol tutuv olaraq "Krımskıy Yevronastup" («Кримський Євронаступ») teşkiliy komitetini meydanğa ketirmege teklif etildi. O, Ukrainanıñ Avropa birligine qoşulmasına qadar çalışacaq.
 
 
"Kıyev qırımlılar cemiyeti" CT matbuat hızmeti

Foto