Kiyevniñ Cami ve Medreselerinde qırımtatarlarnıñ Genotsid qurbanları ruhuna dua oqulacaq

Все новости
14 mayıs 2013 yıl 11:20

 

  Mayıs 17 kunü Stetsenko soqağı 12 adresi boyunca yerleşken medresede 1944 senesi mayıs 18 kunü Qırımdan qırımtatar halqı sürgünliginiñ qurbanlarını dua ile añacaqlar.

  10 yıl devamında adet-uzre keçirilgen Dua merasimleri mayıs 17 kunü saat 19:30 otkerilecek.

  İşbu merasimniñ teşebbüsçisi olaraq "Kiyevdeki qırımtatarlar cemiyeti" CT Maneviy qıymetler Komiteti iştirak ete. Musulmanlar 1944 senesi ve soñraki yılları mahsus yapılğan qıyın ve sert şaraitlerde bu dünyanı terk etken sürgünlik qurbanları içün Yüce Rabbimizge dua etecekler.

  Bunıñnen beraber, qırımtatar halqınıñ parlaq kelecegi ve ilerilevi içün dua oqulacaq.

  Hatırlatamız, sürgünlikniñ birinci yılları devamında açlıq, suvuq ve hastalıqlardan qırımtatar halqınıñ aman-aman yarısı elâk oldı. Can bergenlerniñ çoqusı musulman ananeleri boyunca defin etilmedi.

  Er bir qırımtatarı bu facialı kunni unutmayıp, vefat etken soy-soplarınıñ ruhlarına dua oqumalı. Aynı bu maqsad ile işbu tedbirler teşkil etile.

  Bu sene qırımtatar halqı Genotsidinden 69 yıl keçti. Bu deşetli cinayet devamında halqnıñ 45% ziyade elâk oldı.

 

"Kiyevdeki qırımtatarlar cemiyeti" CT matbuat hızmeti

Foto