Kiyevde Qurban bayramını qayd etüv

Все новости
10 ekim 2013 yıl 21:04

  "Kiyevdeki qırımtatarlar cemiyeti" CT "Alraid" cemaat teşkilâtlarnıñ bütünukrain birliginen emekdaşlıq etip, Kiyev şeeriniñ bütün musulmanlarını 2013 senesi oktâbrniñ 15-de saat 8:30 İslâm cemaat medeniyet merkeziniñ camisine (Degtârövskaya soq. 25-a) bayram namazına davet ete. Bayram namazını qılmaq içün eki ibadet salonu açıq olacaq. Saat 10-da balalar içün eglence programma başlanacaq. Bunıñnen beraber, er kes Qurbanğa 1100 grivnâdan qoy satın ala bile.

  İslâm bayramlarından biri — İd al-Adha (Qurban bayram) bütündünya musulmanları içün zul-hica ayınıñ 10-uncı künü başlana ve üç kün süre.

  İd al-Adha — Hacılıq yekünlengenini ifadeley: İbrahim (İncilde Avraam) qurban añısına Mina vadiysinde hacılar qurban çalalar.

  Bu aqqında Quran ve İncilde aytıla.

  İmkânı olğan er bir musulman qurban çalmaq borclu. Sığır, qoy ve eçki qurban ayvanı sayılır. Bayram namazından soñ ya da bayramnıñ qalğan künleri qurban çalması mümkün. 

  Allah müminlerge şöyle dey: "Bizler er toplulıq içün qurban merasimlerini belgiledik ve şu ayvanlar üzerinde Allahnıñ adını hatırlamağa buyurdıq. Allahqıñız — Tek Allahtır. Oña itaat etiñiz" (Quran-ı Kerim, 22:34).

  Qurban çalmaqnıñ manası maneviydir. Er bir musulman doğru şekilde qazanğan paralarğa qurban çalıp, muhtaclarğa ve fuqarelerge et bermeli, özüniñ musafirlerini sıylamalı. Bu — Allahnıñ afu ümütinen cümertlik ve bağış areketidir. Quranda denile ki: "Olarnıñ etini aşañız ve soramağa utanğanlarğa beriñiz, em de gizlemeyip sorağanlarğa da beriñiz... Allah ne et, ne de olarnıñ qanına (qurban etiniñ) muhtac degil —dindar olmañız yeterlidir" (Quran-ı Kerim, 22:36-37).

  "Kiyevdeki qırımtatarlar cemiyeti" CT ve "Alraid" Bütünukrain Birligi bütün musulmanlarnı Qurban bayramınen tebrikleyler!

 

"Kıyev qırımlılar cemiyeti" CT matbuat hızmeti

Foto