Meclis qurumı tasdiqlandı. Meclis reisiniñ muavinlerinden biri Aslan ÖMER QIRIMLI oldı

Все новости
05 kasım 2013 yıl 20:35

  2013 senesi noyabrniñ 5-de qırımtatar halqı Meclisiniñ toplaşuvında Meclisniñ yañı saylanğan erkânı ve onıñ icra organlarınıñ qurumı tasdiqlandı.

 

  Böyleliknen, Qırımtatar Milliy Meclisi aqqında Nizamnameniñ 3 ve 4 maddeleri ve Milliy Meclis Reisiniñ qırımtatar halqınıñ yekâne aliy vekâletli icra organınıñ qurumı ve icra organları aqqındaki tekliflerine köre Qırımtatar halqınıñ Meclisi Meclis Reisiniñ 5 muavini vazifesini kirsetmege qarar aldı ve Qırımtatar Milliy Meclisiniñ Reis muavinleri olaraq aşağıdaki 5 insannı tasdiqlamağa qarar berdi:

1. Aslan OMER KIRIMLI

 

2. Ahtem ÇİYGOZ

 

3. Ayder ACİMAMBETOV

 

4. Zaur SMİRNOV

 

5. Nariman CELÂLOV

 

  Bunıñnen beraber, Meclis azaları Meclis bölüklerini de tasdiqladılar:

1. İnformatsion-analitik idare — Meclis Reisiniñ muavini, reberi Nariman CELÂL;

2. Milliy idare organları, Qırım Muhtar Cumhuriyeti devlet ve icra organları, yerli idare organları, bütün seviyedeki deputatlarnen çalışuv boyunca idare – Meclis Reisiniñ muavini, reberi Zaur SMİRNOV;

3. Tışqı iqtisadiy alâqalar, yatırımlar ve milliy iqtisadiyat inkişafı idaresi – Meclis Reisiniñ muavini, reberi Aslan ÖMER QIRIMLI;

4. Qırımtatar tilinde tasil ve qırımtatar tilini Qırımnıñ devlet ve cemaat işiniñ bütün saalarına kirsetüv idaresi — reberi Emine AVAMİLEVA;

5. Medeniyet, tarih ve maneviy ömür meseleleri idaresi — reberi Bekir MAMUTOV;

6. Sport ve gençler siyaseti idaresi — reberi Seydamet YAĞÂYEV;

7. Qırımnıñ topraq meseleleri ve tabiat resursları idaresi — reberi Sadıh TABAH;

8. Qırımtatar halqı milliy areketiniñ veteranları, cemaat teşkitlâtlarınen bağ tutuv idaresi - Meclis reisiniñ muavini, reberi Ayder ACİMAMBETOV;

9. Tışqı alâqalar idaresi — reberi Ali HAMZİN;

10. Kâtibiyet — reberi Dilâver AKİYEV;

11. Adliye idaresi — reberi Teyfuk GAFAROV;

12. Qırımtatar matbuat vastalarını inkişaf ettirüv idaresi — reberi Gayana YÜKSEL;

13. Matbuat hızmeti — reberi Liliya MÜSLİMOVA.

 

Meclis matbuat hızmetiniñ malümatına esaslanaraq 

Foto