Ukrain musulmanları Hac'ğa yol alacaqlar.

Все новости
25 eylül 2014 yıl 19:13
Musulman taqviminde Zul-Hicce ayı başlandı. Bütün dünyadan millionlarnen musulmanlar bu künleri Mekke-i Şerif'te toplaşalar. 
 
Bu sene Kiyev'de yaşağan qırımtatarlarnıñ eyeti de muqaddes yolculıqqa azırlana. Qırımtatar Cemiyetiniñ vekilleri Qırım ve Ukrainadan kelgen musulmanlarnen birlikte sentâbr 27 künü Suudi Arabista'ğa uçacaq. 
 
Kelecek cuma künü, hac ibadetlerini eda eter eken, bütün hacılar Arafat'ta bulunacaqlar. Zul-Hicce ayınıñ onuncı künü, yani bu sene oktâbr 4 künü - Qurban bayramnıñ ilk künü olacaq.
 
Hatırlatamız, Zul-Hicce ayı musulman taqviminiñ soñki ayıdır. Bu aynıñ ilk on kününde yapılğan er bir hayırlı iş Allah qatında daa qıymetli sayıla. Peyğamber Efendimizden (sallâllahu aleyhi ve sellem) rivayet etilgen hadiske köre, Arefe künü tutılğan oraza Allah ögünde keçken yılnıñ ve kelecek seneniñ günahlarına kefaret kibi esaplanacaq.
 
Arefe künü - Zul-Hicce ayınıñ doquzıncı künüdir. Bu sene o oktâbr 3 kününe rast kele. Ondan soñ Qurban Bayramı ('İd al-Adha) başlanıp, Zul-Hicceniñ 14-ci kününe qadar devam etecek.
 
"Kıyev qırımlılar cemiyeti" CT matbuat hızmeti

Foto