Sabri Ülker

Все новости
13 haziran 2012 yıl 09:43

 

Türkiyede, 92 yaşına kelip, ‘Ülker’ biznes-imperiyanıñ qurucusı, qırımlı Sabri Ülker vefat etti.
Sabri Ülker 1920 senesi Qırımda doğdı. 9 yaşında olğanda, qorantası Türkiyege icret oldı.
1948 senesinde o peçenye ve biskvit yapuv fabriqa qurdı. 1974 seneden berli, ‘Ülker’ fabriqası halqara seviyede qabul olunğan ve bilingen bir brend oldı.
Şimdiki vaqıtte kompaniya şokolad peçenyesi, biskvitler, süt ve süt mahsulatları, gazlı içerlikler, şahsiy temizlik mahsulatları ve balalar içün yemekler yapa ve sata. Kompaniya öz mahsulatlarñı 43 devletke ihrac ete.
2000 seneden berli kompaniya başında Sabri Ülkerniñ oğlu Murat Ülker tura.
Ömür boyunca Sabri Ülker Türkiye Cümhüriyeti iqtisadiy ve içtimaiy inkişafına öz isseni qoştu. O tasilge, Türkiyeniñ sosyal infrastrukturasına qol tuta edi, yañı kitaphaneler, bilgisayar sınıfları aça edi, studentler içün stipendiya bere edi.
Cenaze merasimleri İstanbulda, Mehmed Fatih camisinde keçirilecek.
Merhum Allahnıñ rahmetinde olsun!

 

''Inna lillahi wa inna ilayhi raji'un''

Foto