Mustafa Cemilev Ukraina Yuqarı Şurasında İ. Gasprinskiy vefatınıñ 100 yıllığına, Cafer Seydamet doğğanınıñ 125 yıllığı ve Üzbek han camisiniñ 700 yıllığına bağışlanğan hatıra tedbirlerni keçirüv boyunca qararlar leyhasını qayd ettirdi

Все новости
11 şubat 2014 yıl 16:58

2014 senesi fevral 4 künü Ukraina halq deputatı Mustafa Cemilev Ukraina Yuqarı Şurasında İ. Gasprinskiy vefatınıñ 100 yıllığına, Cafer Seydamet Qırımer doğğanınıñ 125 yıllığına ve Üzbek han camisiniñ 700 yıllığına bağışlanğan hatıra tedbirlerni devlet seviyesinde keçirüv boyunca qararlar leyhasını qayd ettirdi. Soñki vesiqanı M. Cemilev Ukraina parlamentine Ukraina halq deputatı Vâçeslav Kirilenko ile beraberlikte taqdim etildi. Bu aqtaUkraina halq deputatınıñ saytı haber bere.

Şunı da qayd etmeli ki, İsmail Gasprinskiy vefatınıñ 100 yıllığı munasebetinen hatıra tedbirlerini keçirüv boyunca qarar leyhasınen Ukraina Nazirligi kabinetine tedbirlerni azırlav, keçirüv ve finansirlev planını işlemek ve tasdiqlamaq, teşkiliy komitetni meydanğa ketirmek tevsiye etildi.

Bundan da ğayrı Ukraina televideniye ve radio devlet komitetine qırımtatar halqınıñ ulu mütefekkiri, cemaat ve medeniyet erbabı, büyük türk felsefecisi, yazıcı ve naşırına bağışlanğan tedbir ve yayınlarnı kütleviy matbuat vastalarında aydınlatılmasını teminlemek, Ukraina Milliy bankına İsmail Gasprinskiy vefatınıñ 100 yıllığı munasebetinen yubiley kapigini darp ettirmek ve qullanuvğa kirsetmek, "Ukrpoçta"ğa ise poçta markalarını çıqarmaq tevsiye etildi.

Qarar leyhasına köre Qırım Nazirler şurası ve yerli milliy idare organlarına İsmail Gasprinskiy vefatınıñ 100 yıllığı munasebetinen hatıra tedbirleriniñ planını işlemek tevsiye etildi.

Ukraina Yuqarı Şurası mezkür qararlarınıñ leyhaları ve olarğa ilâve etilgen izaatlarnen "Qanun leyhaları" ("Zakonoproyektı") bölüginde tanış olmaq mümkün.

 

Meclis matbuat hızmetiniñ malümatına esaslanaraq

Foto