Milliy Meclis reisine mukâfat taqdim etildi

Все новости
13 temmuz 2011 yıl 23:17

 

011 senesi iyül 8 - 10 künleri Qırımtatar halqı Meclisiniñ reisi, Ukraina halq deputatı, belli uquqqoruyıcı, Nobelniñ Barışıqlıq mukâfatına namzet Mustafa Cemilev Lvov şeerinde bulundı. İyül 9 künü oña ahlâqiy, maneviy ve medeniy liderligi içün "Adalet ışığı" mukâfatı taqdim etilgen edi.
İşte, iyül 8 künü Meclis yolbaşçısı Mustafa Cemilev Ostap Drozdovnıñ "ZIK" telekanalındaki "Prâmim tekstom" yani "Açıqtan-açıq" yayınınıñ musafiri oldı. O yayından çıqarılğan videolevhanı

Bundan da ğayrı Lvovda bulunğan vaqıtta Mustafa Cemilev Ukraina katolik universiteti yanındaki "Ukraina diniy informatsion hızmeti" (RISU), şeerniñ "Visokiy zamok" gazetası ve "ZAXID.net" Ğarbiy ukrain informatsion agentliginiñ suallerine cevap berdi.

Bunıñ kibi Meclis reisi Mustafa Cemilev Ukrain katolik universitetiniñ rektorı Böris Gudzâknıñ davetinen , "Rozmova na Parkovoy z ottsom Börisom" (Böris efendinen Parkovaya soqağında subet) müelliflik yayınında da iştirak etti. 


Yayınnıñ baş ğayesi boyunca Lvov ve Ukrain katolik universitetiniñ fahriy musafirleri Böris efendiniñ musafiri olalar. Yayın Lvov şeerinde 1904 senesi qurulğan eski evde, şimdi mında UKU vekilleri yaşamaqtalar, yazıldı.

Milliy Meclis kâtibiyeti

 

 

Foto