Turkiye tışqı işler naziri Ahmet Davutoğlu Başar Asadnıñ beyanatını izaatladı

Все новости
07 ocak 2013 yıl 19:54

 

    Davutoğlu, Asad Yaqın şarqta yüz bergen adise-vaqialarnıñ maiyetini añlamağa istemey, dep onı qabaatladı.

  Turkiye tışqı işler naziri Ahmet Davutoğlu, matbuat-konferentsiyada çıqışta bulunır eken, elçilerniñ 5-inci konferentsiyasına qıymet kesip, jurnalistlerniñ suallerine cevap berdi.

   Davutoğlu er vaqıt Başar Asadnıñ çıqışlarını nezaret etkenini qayd etip, böyle sözlerni qoştı: “Umumiyleştirip, şunı ayta bilemiz, afsus ki, Asad Yaqın Şarqta ne olğanını añlamay, bu regionda yaşağan halqlarnıñ talaplarını, em de, bu memlekette eki yıl devamında yüz bergen, vaqilarından sebep onıñ boyunında olğan mesülietlikni añlap olamay”.

   Davutoğlu şunı bildirdi ki, Asad suriyelilerniñ qalplerine tiymedi, o bir de-bir talaplarnı yerine ketirip olamay, ve şunı da qayd etti ki, tek tışqı alâqalarda qabaatını qıdırmaq olmaz. Davutoğlu şunı da ayttı ki: “O, böyle sözlerinen qapalı binalarda degil de, halq ögünde çıqışta bulunsın. 60 biñ insan elâk olğan soñ, böyle telâfetlerden soñ, bütün dünya tarafından tanılğan, Suriye muhalifetini qabul etmeyip, bu beyanatlar bir de-bir neticege ketirmeycek".

Cemiyet matbuat merkezi

Foto