"Evel-ezelden qırımtatarlar ukrainlilernen qardaşlar ediler", - yazıcı Dmitriy Kapranov

Все новости
06 nisan 2013 yıl 23:03

  Butün tarihiy ğalebelerni ukrainliler qırımtatarlarnen birlikte qazandılar. Bu aqta yazıcı ve neşirci Dmitriy Kapranov "Gazeta.ua" saytına berilgen tefsirinde ayttı.

  "Mektep programmasında ayrı bir sual bar — qırımtatarlarnen ne yapmaq kerek?" - dey edip. - Bugunki kunde qırımlı mektepke kelip, tarihtan kitapnı açsa, o, neni oquycaq? Ukrainanıñ duşmanı olğanı aqqındamı? Ve endi çoqtan. Bu keçmişniñ buyuk bir çuqurıdır. Şunıñ içün bizler butün adise-vaqilarnı devletimizniñ yekâne tarihına birleştirmek kerekmiz".

 Edebiyatçı şunı qayd etti ki, zemaneviy Ukrainada yaşağan butün halqlarnı ve, birinciden, qırımtatarlarnı birleştirmeli.

  "Baqıñız, ukrainliler tek basurmanlar ile beraber olğanda, yeñe ediler. Misal olaraq, Jöltıye vodı şeeri civarında uruş. Beresteçko şeeri yanında cenk olğanda, olar kettiler — ve biz yutturdıq", - qayd etti Kapranov.

  O, şunı da qayd etti ki, Qırım halq cumhuriyeti Ukraina halq cumhuriyetinden evel meydanğa ketirildi.

  "QHC birden, aman-aman birinci kunlerden,UHCniñ ittifaqdaşı oldı. Bizler qırımtatarlarnen — qardaşlarmız. Bazı vaqıtları cenkleşe edik, lâkin, afu etiñiz, kimlernen cenkleşmedik? Poloniyalılar ya da ruslarnen? Bu tarihiy adaletsizliktir, bunı tüzetmeli", - bu aqta yazıcı eminliknen bildire.

 

www.gazeta.ua malümatlarına esaslanıp

Foto