Hıdırlez-2013 butün Qırımdan 30 biñden ziyade insannı topladı

Все новости
07 mayıs 2013 yıl 08:57

 

  2013 senesi mayıs 6 kunü Bağçasarayda Hıdırlez qırımtatar milliy bayramına bağışlanğan buyükten-buyük tedbir otkerildi.

  Bu sene umumqırım merasimi Qırım ve atta Ukrainadan 30 biñden ziyade insannı topladı.

  Qırım yarımadasınıñ sakin ve musafileri halq-ameliy sanat mallarınen tanış oldılar, milliy kureş boyunca yarışlar ve at qoşularda iştirak ete bildiler, em de qırımtatar milliy yemeklerniñ dadını baqtılar.

  Hıdırlez iştirakçileri içün acayip parlaq kontsert programması azırlanıldı.

  Bayramnı Ukraina halq artisti Femi Mustafayev, gitara ustazı Enver İzmaylov ve belli Ukraina yırcısı Camala yaraştırdılar. Artistler, qırımtatar halq yırlarını icra etip, musafirlerge eñ hoş teessuratlar bağışladılar.

  Bayram muiti iç bir kimseni lâqayt qaldırmadı. Qırımlılar muvafaqiyetli keçken merasim ve yüksek seviyede olğan azırlıq ve teşkil etüvni qayd etip, minnetdarlıq bildirdiler.

  Hatırlatamız, Femi Mustafayev ve Camalanıñ çıqışları "Kiyevdeki qırımtatarlar cemiyeti" CT ve "Qırım inkişafı fondu" HT tarafından maddiy ceetten teşkil etildi.

 

foto: Lenyara Abibulayeva

"Kiyevdeki qırımtatarlar cemiyeti" CT matbuat hızmeti

Foto