Turkiye tışqı işler nazirliginiñ yolbaşçısı Davutoğlu:

Все новости
24 mart 2013 yıl 15:15

  Turkiye tışqı işler naziri Ahmet Davutoğlu TRT Haber telekanalınıñ canlı yayında çıqışta bulunırken, İsrail afu sorağanı aqqında bildirip, adalet yeñgenini qayd etti.

  Davutoğlu şunı qayd etti ki, İsrailniñ zanınca, başqa memleketlerge nisbeten onıñ alelhusus bir alı bar. "Olarnıñ fikirince, başqa memleketlerde özek silâ olmay, İsrailde ise ola bile, başqa memleketlerde bir de bir areketler yapmaq imkânları yoq, İsrail ise bunı yapa bile. Bunı deñiştirmeli. Turkiyeniñ qatiyligi sayesinde bam-başqa netice oldı, psihologik mania yeñildi. İleride böyle kibi adise-vaqialarda İsrail yapqan işlerine daa da diqqatlı olacaq", - bildirdi Davutoğlu.

  Davutoğlu ayttı ki, İsrail ilk sefer tazminat ödemesine rastkele, ve bu meseleni diger memleketler vekillerinden ibaret olğan komissiya al etecek, dep bildirdi.

  Turkiyeni coyğan, yutturğan olaraq qala, dep qayd etkende, Davutoğlu şunı bildirdi ki: "Aqlı olsañız ve doğru diplomatik areketler yapsañız, erte-keç aqlılığıñız tanılacaq. İsrail özüniñ yüzüne baqmalı. Bu noqtaiy-nazardan afu sorağanları başlanuv ola bile".

  "Psihologik noqtaiy-nazardan Turkiye bam-başqa alda qaldı, o, daa da quvetli olacaqtır. Siz doğru bir siyaset alıp barsañız, nasıl olsa da, siyasetiñiz eyi neticelerge ketirir. Lâkin yañlış areket etseñiz, itibarıñız coyulacaq", - dedi o.

  "Elâk olğan yaqın insanlarımıznıñ yürekleri raat olsun. Olarnı qaytarıp olamayıq, amma olarnıñ aqlarını er alda qorçalağan edik. Ve Filistinde olğanda, olarnıñ bar olğanını is ete edik", - qoştı Davutoğlu.

 

www.trtrussian.net malümatlarına esaslanıp

Foto