Qırımlıların genotsıdı devam ete

Все новости
14 şubat 2009 yıl 17:05

 

Balaklavskaya soqağında qırımlılarğa qarşı bir qaç kuç bar: birinci – Qırımnıñ ve Kıyevnıñ akimiyeti, ekinci- mahkemeler, üçüncü – İç işler nazirligin küçleri.
 

  Balaklavskaya soqağında mına endi bir qaç yıl dava devam ete. O «samozahvat»larnen ve bu alınğan topraqqa öz aqqıların bildirgen teşkilatlarnen bağlı. Butün dünyada topraqnı satmaq ya da kira bermek içün belli bir qanunlar bar. Habarlıq olmasın dep auktsıon degen bir protsedura bar. Birinciden, qutleviya malümatlar vastası ile, er istegen adam ya da şirket iştiraq etsin dep, auktsıonıñ vaqtı ve şartları bildirile.
 

  Auktsıon şartları arasında, şimdiki vaziyette, yeriñ büyüklügü, muhendis komunikatsiyaları olğanı ya da olmağanı, ne qurulmaq kerek bildirile. Ondan başlanğıç fiyatı bağlı. Eger bu yer mesken evler qurmaq içün alına, şümdiki vaziyette 3000 adam içün meskin ev qurulması, ve yene o bir adam ya da şirket, kim yuksekçe fiyat teklif eter. Satış- alış anlaşmasında mutlaqqa ne qadar içtimaiy yerler olacaq (ekinci cian cenk veteranlar içün, saqatlılar içün, sürgün etilgen adamlar içün ve ilahire) bildirilmek kerek. Butün bu şartlar neşir olmaq kerek, adamlar bilsin ve korsun dep. Aqmescitte akimiyeti ise daimi ki, bu protsessnı sır ettiler.

  Ne içün şeer akimiyeti yerni satqanda auktsıon boyunca satmadılar? Bu mehkemede baqılacaq en birinci sualdir. Mehkeme ispolkomdan en birinci auktsıon vesiqaların talap etmek kerek edi. Yer satış tertibi bozuldu, demek Aqmescit akimiyeti bu içün mesuliyetli ve buğa kore mahkeme qarar almaq kerek edi. Bu adaletli olur edi. Amma mahkemeler aqqında ve olarda habarlıq seviyesi aqqında yatmağa da kerekmey. Qırım ve Ukraina sakinlari oyle de pek yahşı bileler: er mahkeme, oğa çoqça para bergen tarafını tutar. 
 

  Stalin rejımı öz «duşmanların» yoq etmek içüm mehkeme qararların sovet vatandaşların repressiyalarğa kore çıqara edi. Bugün de Qırım akimiyeti Kıyıvedeki merkez akimiyet yardımınen Balaklavskayada olğan qırımlılrğa qarşo arbiy operatsıya azirleyler. Qırımdaki yuarı şuranıñ başı Anatoliy Gritsenko şeer akimiyetten yerın doğrı saması talap etmezden kompromis aqqında ayta. Ne içün bu cemiyette, qayda qanunlar çalışmay ve kimse bu qanunlar boyunca yaşamay, tek qırımlılardan qanunlar riayet etmege talap eteler.

  Bu vaziyette ihitimal qırımlıların spetsnaz küçlerı ile, bronetehnika ve evvelden qırımlılarğa qarşı azirlengen snayperler vastası ile quvacaqlar.

  Ya Aqmescitnıñ başı Gennadiy Babenko resmiy maliye vesiqanı, qayda Balaklavskaya soqağındaki satılğan topraqnıñ fiyatı yazılğan ve ne qadar para Qırım ve şeer büçetina kirdi? Men bellesem, egenr oyle vesiqa olsa da, anda yazılğan fiyatı bu topraqnın fiyatı degildir mına qayda qabaatlıların qıdırmağa kerek. 
 

  Bu yılnınñ Mayısnıñ 18de sürgünlüknıñ 65 yıllığı olacaq. Halqnıñ üçten biri daa ğurbetlikte qaldı, esas sebebi, bu akimiyet qırımlılarğa Vetanğa qaytmağa qarşı çıqa. Neticede qırımlılar uyanmğa kerekler: akimiyet bizge devletçilikini kefil etmegenden de ğayrı, o keleçte qırımlılarnıñ öz Vatanında millet olup yaşamasın kefil etmey.

Foto