Belli Lvov musulmanınıñ işleri Kiyevde konferentsiya çerçivesinde ogrenilecek

Все новости
11 mayıs 2013 yıl 15:29

   2013 senesi mayıs 16 kunü Yermay naqliye İnstitutınıñ konferents zalında (Artöm soqağı, 60) "Zemaneviy inkişafnıñ aktual problemlerini añlavında Muhammed Asadnıñ ilmiy-intellektual mirasınıñ emiyeti" adlı halqara ilmiy-ameliy konferentsiya otkerilecek. Merasim saat 10-da başlanacaq, saat 9:30 qayd etilmege imkân olacaq.

  Tedbir "Alraid" Cemaat teşkilâtlarınıñ butünukraina birligi ve "İslâmşınaslıq Ukrain merkezi" Butünukraina cemaat teşkilâtınıñ teşebbüsi ile Ukraina İlimler Milliy Akademiyasınıñ halqara munasebetler halqara iqtisadiyat İnstitutı ve "Ukraina İlimler Milliy Akademiyasınıñ butün dünya tarihı İnstitutı" Devlet muessisesi ve "Kiyevdeki qırımtatarlar cemiyeti" CT beraber amelge keçirile.

   Konferentsiyada ilim, medeniyet ve tasil erbapları, devlet akimiyeti organları, cemaat ve din teşkilâtlarınıñ vekilleri, Ukraina halq deputatları ve çetel diplomatlar, Avropa ve Rusiyeden kelgen musafirler iştirak etecekler.

  Belli ilim, cemaat ve devlet erbapları tecribe qazanacaq olalar.

   Tedbirde meşur Lvov sakini ğaye ve neticeleriniñ emiyeti ve rolüne bağışlanğan bir sıra meseleler muzakere etilecek. Boyle etip, Ğarp ve İslâm dünyası arasında munasebetlerniñ zemaneviy alınıñ aktual meseleleri talil etilecek. Bunıñnen beraber, medeniyet ara ve din ara dialog quruvı imkânları baqılacaq.

   Yigirmi altı yaşında Lvov sakiniñ İslâmnı qabul etüvi hidayetke irişüv oldı.

   Muhammed Asad (kerçek adı — Leopold Vays) meşur musulman mütefekkirleri ve erbaplardan biridir. O, Lvov şeerinde doğdı, İslâm dini olmağan muitte yaşadı ve osti. İslâm dinini qabul etüv yigirmi altı yaşında olğan Leopold içün kelecegini deñiştirgen hidayetke irişüv oldı.

   Belli Almaniya diplomatı ve cemaat erbabı Murad Vilfridniñ fikirince, "Asad musulman dünyası içün Avropanıñ keçken asırnıñ aqiqiy bahşışı edi".

 

 

http://www.arraid.org malümatlarına esaslanıp

 

Foto