Merkeziy saylav komissiyası Qurultay delegatlarını saylav içün kvotalarnı belgiledi

Все новости
06 şubat 2013 yıl 22:53

  Merkeziy saylav komissiyası memuriy-territorial qurumlarnıñ sıñırlarında qırımtatar halqı Qurultayınıñ delegatlarını saylav içün kvotalarnı tasdiqladı.

  2013 senesi fevralniñ 1-de qırımtatar halqı Qurultayınıñ Merkeziy saylav komissiyasınıñ nevbetteki toplaşuvı olıp keçti. Tedbirde Qırım Muhtar Cumhuriyeti, Zaporojye ve Herson vilâyetleriniñ memuriy-territorial qurumlarnıñ sıñırlarında qırımtatar halqı Qurultayınıñ delegatlarını saylav içün kvotalar belgilendi.

  Merkeziy saylav komissiyasınıñ qararına binaen, qırımtatar halqı VI çağırılış Qurultayınıñ delegatlarını saylav içün kvotalar aşağıdaki tertipte belgilendi:

 

1

Aluşta şeeri ve Aluşta şeer şurasınıñ territoriyasına kirgen meskün yerler

2

2

Bağçasaray rayonı

17

3

Qarasuvbazar rayonı

16

4

Canköy rayonı, şu cümleden Canköy şeeri

16

5

Kezlev şeeri ve Kezlev şeer şurasınıñ territoriyasına kirgen meskün yerler

6

6

İslâm-Terek rayonı

12

7

Qurman rayonı

12

8

Krasnoperekopsk regionı, şu cümleden Ermeni Bazar şeeri, Krasnoperekopsk şeeri

6

9

Keriç şeeri ve Keriç şeer şurasınıñ territoriyasına kirgen meskün yerler

2

10

Yedi Quyu rayonı

8

11

Seyitler rayonı

7

12

Curçı rayonı

5

13

Aqşeyh rayonı

3

14

Saq regionı, şu cümleden Saq şeeri

12

15

Aqmescit şeeri

19

16

Aqmescit rayonı

25

17

Aqyar regionı

3

18

İçki rayonı

6

19

Sudaq şeeri ve Sudaq şeer şurasınıñ territoriyasına kirgen meskün yerler

5

20

Kefe şeeri ve Kefe şeer şurasınıñ territoriyasına kirgen meskün yerler

3

21

Aqmeçit rayonı

3

22

Yalta şeeri ve Yalta şeer şurasınıñ territoriyasına kirgen meskün yerler

2

23

Zaporojye vilâyeti

2

24

Herson vilâyeti

5

25

Kiyev şeeri ve Kiyev vilâyetine kirgen meskün yerler

1

26

Özbekistan Cumhuriyeti

2

 

CEMİ

200

 

  Bunıñnen beraber, Merkeziy Saylav komissiyası er bir regional meclisniñ reberine tasdiqlanğan kvotalar sayısı aqqında şahsen bildirmek ve fevralniñ 6-na qadar çoqmandatlı saylav daireleri, delegatlıqqa namzetler, saylav dairelerniñ sıñırları ve onda yaşağan qırımtatar aileleri ve azaları, saylavcılarnıñ sayısı boyunca öz tekliflerini bildirmekni tevsiye etti.

 Böyleliknen, "Qırımtatar halqı qurultayınıñ delegatlarını saylav nizamı"nıñ 14.1 ve 14.2 maddelerine binaen memuriy-territorial qurumlarnıñ sıñırında belgilengen kvotalar çoqmandatlı majoritar dairelerniñ tizilmesine "yol" açıla.

  Merkeziy saylav komissiyasınıñ azaları "Qırımtatar halqı qurultayınıñ delegatlarını saylav Nizamı" esasında saylav vesiqalarnıñ blanklarını da tasdiqladılar.

 Komissiyanıñ nevbetteki toplaşuvında regional meclislerniñ tekliflerine köre çoqmandatlı majoritar saylav dairelerniñ sayısı ve sıñırları, nomerleri tasdiqlanacaq.

 

http://qtmm.org malümatlarına esaslanıp

Foto