"Kiyevdeki qırımtatarlar cemiyeti" CT Yevromaydanda iştirak etti

Все новости
24 kasım 2013 yıl 19:18
"Kiyevdeki qırımtatarlar cemiyeti" CT Yevromaydanda iştirak etti.
 
Bazar künü, 2013 senesi noyabrniñ 24-de, dünyada 500 biñden ziyade insan Ukrainanıñ Avropa birligine integratsiyasına qol tutmaq maqsadınen şeerlerniñ merkeziy meydanlarına çıqtı. Miting iştirakçileriniñ esas talabı - noyabr 28 künü Vilnüsteki sammit çerçivesinde Ukraina prezidenti Viktor Yanukoviç tarafından Avropa Birligi ile assotsiatsiya añlaşmasınıñ imzalanuvıdır. 
 
Kiyevdeki Yevromaydan tahminen 100 biñ kişini topladı. Miting iştirakçileriniñ esas grupları Avropa meydanında, Nazirler şurasınıñ binası yanında ve Mustaqillik Meydanında toplaştı. Narazılıq aktsiyaları noyabrniñ 28-ne qadar devam etecek, miting iştirakçileriniñ talapları yerine ketirilmese, bu muddet te arttırılacaq.
 
Avropa Birligi ile assotsiatsiyağa qol tutqanlar arasında bayağı qırımtatarlar bar. Qırımdan tahminen elli kişi Şevçenko adına Kiyev milliy universitetiniñ talebelerinen beraber Kiyevdeki Mustaqillik Meydanı ve Avropa meydanına qadar kettiler.
 
 
"Kiyevdeki qırımtatarlar cemiyeti" CT matbuat hızmeti

Foto