Yañı erkânlı İdareniñ ilk toplaşuvı ötkerildi

Все новости
10 mart 2013 yıl 11:07

 

  2013 senesi martnıñ 9-da "Kiyev şeerinde qırımtatarlar cemiyeti" Cemaat Teşkilâtı İdaresiniñ birinci toplaşuvı olıp keçti.

  Toplaşuvda 2013 senesine Cemiyet faaliyetiniñ planlaştıruvı ve bücetniñ şekillendirüvi meseleleri muzakere etildi.

  Teşkilât faaliyetiniñ vazifelerini muzakere etüvi çerçivesinde bir qaç komitetniñ teşkil etilmesi aqqında qarar alındı, şu cümleden medeniyet inkişafı komiteti (Yolbaşçı Femi Mustafayev), içtimaiy inkişaf komiteti (Yolbaşçı Bekir Ganiyev), maneviy qıymetler komiteti (Yolbaşçı Rifat Sariyev), tasil ve kadrlar strategiyası komiteti (Yolbaşçı Talât Bilâlov) ve tışqı işler komiteti (Yolbaşçı Alim Veliulayev).

  Cemiyet bücetini muzakere etip, komitetler koordinatorları — İdare azalarına İdareniñ nevbetteki toplaşuvına qadar bücetniñ masraf ve kâr qısımları variantlarını teklif etecekleri aqqında qarar alındı.

  İdare Nizamnameniñ yañı metnni cemiyet azalarınıñ muzakere etüvine çıqarmağa qarar aldı ve eki afta içinde onı saytta yerleştirip, bütün teklif ve fikirlerni toplamağa planlaştırdı.

  İdare Cemiyet erkânına yañı iştirakçilerni — Skorik A.B., Abdullayev M., Çapirov A.A., Abkerimov R.N. qabul etti.

  İdare toplaşuvında onıñ reisi Aslan Ömer Qırımlınıñ davetinen, soñki Umumiy toplaşuvda Cemiyetniñ ilerilemesiniñ ayrı leyhasını teklif etken, "teşebbüs gruppa"nıñ azaları iştirak etti. Lâyıq olğan teklifler teşkilât faaliyeti planına kirsetilecek.

  İdare toplaşuvınıñ neticelerini çıqarıp, Aslan Ömer Qırımlı onıñ er bir iştirakçine grajdanlıq noqtaiy-nazarları içün teşekkür bildirdi ve bu sene semereli işler tiledi.

  Cemiyet İdaresiniñ nevbetteki toplaşuvı yaqın zamanda keçirilecek.

 

 

Cemiyetniñ matbuat merkezi

Foto