Noyabrniñ 28-de Ukrainada türkmen medeniyetiniñ künleri yekünlendi

Все новости
28 kasım 2012 yıl 14:11

     

     Türkmenistan medeniyeti künleriniñ resmiy açıluvı İvan Franko adına Milliy akademik drama teatrinde keçti.

     Teatr Türkmenistandan kelgen musafirler, ukrain icadiy müneverlerniñ vekilleri, sanatnıñ körümli ustaları, belli yazıcılar, ressam ve artistlerni qabul etti. Temaşa salonında ükümet ve şeer idare müessiseleri, em de, bu memlekette tanılğan, diplomatik missiyalarnıñ temsilcileri, Kiyevniñ musafir ve sakinleri bulundılar. Tedbirni Qırım Cemiyetiniñ vekilleri de ziyaret ettiler.

     3 kün devamında musafirlerde türkmen artislerniñ kontsertine barmağa imkân bar edi.  Programma çerçivesinde Türkmenistan dekorativ-ameliy sanatnıñ sergisi numayış etildi, Türkmenistan prezidenti Gurbangulı Berdımuhamedovnıñ, ukrain tilinde neşir etilgen, "Türkmenistannıñ ilâc ösümlikleri" kitabı temsil etildi, Obuhov şeerinde çetel artistlerniñ kontserti keçirildi, em de türkmen eyyetiniñ azaları, Ukraina medeniyet ve turizm Nazirliginiñ medeniyet sistemasınıñ müessiseler reberleri ile körüşüv ötkerildi.

Matbuat merkezi

Foto