Fevral 23 — Noman Çelebicihan vefat etken künü

Все новости
15 şubat 2014 yıl 20:24
 
Şübesiz, Qırım halqı tarihında eñ parlaq şahıslardan biri, münever er bir milletniñ aqları ve menfaatlarını köz ögüne alğan mustaqil cumhuriyetni meydanğa ketirmek ğayesini ömürge keçirdi. Noman Çelebicihan — Qırımnıñ siyasiy ve devlet erbabı, istidatlı şair, nesirci ve publitsist, onıñ "Ant etkenmen" şiiri Qırımlılarnıñ milliy gimni oldı.
 
Noman Çelebicihan Büyük-Sunak köy camisiniñ imamı İbraim Çelebiniñ qorantasında dünyağa keldi. 1917 senesi mart ayında Noman Çelebicihan Baş Müftisi olaraq saylana. O, musulman silâlı quvetlerni şekillendirmege çağırdı, ve 1917 senesi noyabrniñ 1-de Bağçasaraynıñ Hanlar sarayında tantanalı sürette birinci Qurultay toplana. Mında Noman Çelebicihan Qırım Halq Cumhuriyetini meydanğa ketirüv aqqında ilân etti. Anayasa qabul etildi, Çelebicihan efendi ise milliy ükümet reisi olaraq saylandı. O, Qırımda yaşağan er bir halqnıñ musaviy uquqlığını ilân etti. "Bizim vazifemiz, - dey edi o, - İsviçre kibi devletni qurmaqtır. Qırım halqları acayip bir güldeste, ve er bir halq aynı aq-uquq ve şaraitlerge muhtac, çünki biz el-elge tutuşıp ketecekmiz".
 
1918 senesi fevralniñ 23-de Noman Çelebicihan bolşevikler tarafından vahşiyce öldürildi, onıñ cesedi Qara deñizge atıldı. Noman Çelebicihan ve Sovetler rejiminiñ diger qurbanlarını añmaq maqsadınen "Kiyevdeki qırımtatarlar cemiyeti" CT Qırımlılarnı duağa davet ete. Dua fevralniñ 23-de, bazar künü, saat 16:00 Stetsenko soq. 12a adresi boyunca medresede ötkerilecek. 
 
İnna liLlâhi va inna ilâyhi raci'un
 
"Kiyev Qırımtatar Cemiyeti" matbuat hızmetleri

Foto