Fevral 23 künü — Çeçen ve inguş halqlarınıñ genotsid qurbanlarınıñ hatıra künüdir

Все новости
23 şubat 2013 yıl 22:55

   İşbu eki halq içün fevralniñ 23-yu iç bir vaqıt bayram olaraq tanılmaz. Çeçen ve inguş halqları özüniñ tarihında eñ facialı saifelerinden biri - Qazahistan ve Sibirge sürgünlikni hatırlaylar.

  Bir qaç afta devamında şarqqa biñlerce insanlar sürgün etildi — erkek, qadın, bala ve ihtiyarlar. Bazılarnı öldürdiler. Bazıları yolda elâk oldılar.

  Çeçen ve inguşlar tek Stalin vefat etken soñ Vatanğa avdet oldılar. 1957 senesi olarnıñ muhtariyeti ğayrıdan tiklenildi.

  Bu künleri İnguşetiyada matem tedbirleri keçirildi. Cumhuriyet yolbaşçısı Yunus-Bek Yevkurov çıqışta bulundı:

  "Bugün bu faciağa 69 yıl tola.1944 senesi fevralniñ 23-de adaletsiz qabaatlanğan inguş halqı Qazahistan ve Orta Asiyanıñ uzaq topraqlarına sürgün etildi. Aynı bu zamanda biñlerce inguşlar Ulu Vatan Cenkiniñ cebesinde cenkleştiler.

  Er kes o sert, müthiş şaraitlerge dayanıp olamadı. Açlıq, suvuq ve hastalıqlar bir çoq vatandaşlarımıznı mahv etti. Lâkin bu da umumiy ruhnı ğayıp etip olamadı, halqımız buña da dayandı. Bütün manialarğa baqmadan, halqımız medeniyet, til ve urf-adetlerni saqlap oldı".

Foto