Martnıñ 1-de Cemiyetniñ umumiy toplaşuvı olıp keçti

Все новости
01 mart 2014 yıl 19:13
Toplaşuv başında Cemiyet Başı vazifelerini eda etken Alim Veliullah Cemiyet Yolbaşçısı Aslan ÖMER QIRIMLI adından toplaşuv iştirakçilerini selâmladı ve Qırım, ve umumen Ukrainadaki, vaziyet aqqında beyanat metnni seslendirdi. Oña binaen, qırımtatar halqı yarımadada adalet içün küreşmege azır ve er bir areket qırımtatar halqınıñ resmiy organı - Milliy Meclisnen - baqılmaq kerek.
 
Toplaşuvnıñ esas mevzusı Qırımda yüz bergen vaziyet ve onı al etüv usulları oldı. Alim Veliullah 6 iş gruppasını meydanğa ketirmege teklif etti: malümat gruppası, IT yardım gruppası, tibbiy yardım gruppası, içtimaiy temin gruppası, mudafaa gruppası ve sermiya toplav gruppasıdır. Toplaşuvda iş gruppalarınıñ reberleri ve iştirakçileri, em de olarnıñ koordinatorı - Alim Veliullah tayin etildi. 
 
 
"Kiyevdeki qırımtatarlar cemiyeti" CT matbuat hızmeti

Foto