"Qırımtatar Milletine Hızmet" medalinen mukâfatlandırma mevzusında

Все новости
05 kasım 2019 yıl 13:16

"Qırımtatar Milletine Hızmet" medalinen mukâfatlandırma mevzusına dair bazı şahıslarnıñ imalı isnatları ve tahriklerini köz ögünde tutaraq Qırım Tatar Cemiyeti aşağıdaki hususlarnı beyan etmege qarar berdi.

  1. Qırım Tatar Cemiyeti mustaqil teşkılâttır, onıñ erkânında Qırımtatar Milliy Meclis azaları ve Qurultay delegatları bulunalar ve teşkilât kendi işini Ukrayina qanunları çerçevisine alıp bara. Cemiyet öz qararlarında bütünley bağımsızdır, nizamnamesinde belgilengen vazifelerini ömürge keçirüvde öz qararlarını iç bir kimsenen uyğunlaştırmay.
  2. "Qırımtatar Milletine Hızmet" medali Cemiyetniñ mukâfatıdır, buña binaen medalnen mukâfatlanacaq kişilerge dair qararlarnı tek Cemiyet qabul ete ve iç bir uquqiy ya da hususiy şahıs Cemiyetniñ qararlarına tesir etip olamay.
  3. "Qırımtatar Milletine Hızmet" medali şu vasıflarğa saip kişilerge taqdim etile: Qırımnıñ tamır halqı olğan Qırımtatarlarnıñ aqlarını tiklev ve onıñ öz tarihiy vatanı Qırımda serbest yaşama aqqını qorçalav işine büyük isse qoşqan cemaat erbapları, faalciler ve uquqqoruyıcılar.

Ayrıca şunı qayd etmeli ki, Qırımatarlarnıñ tek bir millet olaraq birleşmesi kerek olğan vaqıtta bazı insanlarnıñ Qırım Tatar Cemiyetniñ işine qışqırtuv ve asılsız isnatlar ile kirişkeni iç bir sürette qabul etilmeycek bir vaziyettir. Bazılar tarafından numayış etilgen şahsiy dramalar ve darğınlıqlar Qırımtatar Milliy Areketiniñ menfaat ve maqsatları tışında qalmalı ve zarar ketirmemelidir.

Foto